Rilalenna yewe’e essoe
de’gaga lain ada ripammulang sangadinna puadai tanra pappakarajata lao ri Puang
Allah Ta’alah nasibawai ada pannessai tanra asyukkurukeng tenrigangkata nenniya
pappoji simatata risese arajang akuasangenna Puang Allah Ta’alah, nasaba ia
Puang patabbollo-bolloangi pammase marajana, enrengnge pannennungengngi
pappanyamen-pappanyamenna. Kuaetopa apainringen umuru nasibawai ajappa-japang
natopada engka hadere’ rilalenna yae onrong mabbarakka’e namapaccing, de’gaga
lain pada riakkattai sangadinna puminasai seddi akkatta maraja yanaritu
pasilennerengngi sempajang “ Alleppereng Karobae” sebagai sunna’ muakkad.
Tanggala 10 zulhijjah, ulengna ahajjingnge, uleng malebbi, uleng mapaccing,
yare’ga natomakkeda “ Assyahrul Hurum “ bulan terhormat ri
seseta idi’ umma’ sellengnge.
Naseng Puang Allah
Ta’alah ri akorang malebbie :
Bettuanna :
Puang Allah
Ta’alah SWT, nawajirengi pasilennerengi pakkasiwiyang hajjie rigau engkata
paulle waramparang nenniya paulle watakkale nakarana Puang Allah SWT simata-mata.
Bettuanna :
E... Puang
engkaka’ pole pasilennerengngi pangollimu, E...
Puang engkaka’ pole pasilennerengngi pangolli’mu, E... Puang pura de’
wappadduakko, E... Puangh engkaka pole nasaba pangolli mapaccing nasibawai ati
macenning, majeppu sininna pappojie nenniya pappenyamengnge, makkutoparo araja
akuasangengnge engkai mupunnai, de’ gaga appadduang ri sesemu.
Allahu Akbar 3x
Walillahil Hamd.
Upe-paha-upepaha risesena
tau paullewe waramparang napaulle
watakkale naengka pada pasilinnerengngi pakkasiwiyang hajjie. Makkedai Nabitta
Muhammad SAW.
Bettuanna :
Naiya haji
mabrur’e (hajji engka natarima) Puang Allah SWT de’gaga lain pamale’na
sangadinna suruga pammasena.
Acilakappaha-acilakappaha,
risesena tau paullewe waramparang napaulle watakkale nade’ gaga amaingekenna
pasilennerengngi pakkasiwiyang hajjinna. Naekiya lebbipi acilakanna tau engkae
pole passukkui rokong malimanna agama sellengnge, pole ritana mapaccingnge,
naengka lisu riwanuanna; mabbicara temmakkituju, pakeanna tessitinaja, gau’na
temmamukka, ade’ pangampe’na tessipato. Engkani temmassempajangnge, engkani
temmappuasae, engkatoni temmappassue sekke’. Pada hakeka’na tau engkae pole
passukku’i rokong malimanna agama sellengnge makkibettuangngi engkatonitu lisu
passukku’i pakkasiwyangna nenniya napassukku’ toni ampe-ampe madecenna.
Allahu Akbar 3x
Walillahil Hamd.
Selanjutna, uleng
zulhijjah ritella’toi ulengh karoba nasaba risunnakenna idi’sellengnge engkae
masagena untu’ makkaroba. Makkutanai sahaba’e ; agaro yappunnai narekko to
makkaroba ? Nakkeda Nabitta Muhammad SAW : tungke-tungke tasseddie bulu-bulunna
seddito deceng, mattungke bulu mattungke deceng, mattungke deceng mattungke
appalang. Siturui adanna Puang Allah Ta’alah ri akorang malebbie :
Betuanna :
Majeppu pada
upapoleakko pappenyameng maraja, namamuare engkako pasilennerengngi
sempajangnge nenniya pasilennerengngi akkarobangnge.
Akkarobangnge yae
parentae nasseri Nabiyullah Ibrahim AS, mancaji sunna ri umma’na Nabitta
Muhammad SAW. Dalam sejarah arua (8) taung allaibainengenna sialana Nabiyullah
Ibrahim AS sibawa Sitti Hajar nappa jaji anan’na riasengnge Ismail. Nasaba’
barakka parellau doanna riakorang
malebbi’e ripannessai :
Bettuanna “
E... Puang
tapapoleangnga ana’ matturue ri agamamu, narekko burane pancajingekka anak
shaleh, narekko makkunrai pancajingekka ana’ shaleha.
Aga naripakkedallerina
Nabi Ibrahim ana’ riasengnge Ismail, natemmaka rio rennunnaritu, ana’ mancaji
cayyana matanna buana atinna, aruddaningenna temmapettu pede lao essoe pede
matanre pappojinna Ibrahim lao ri ana’na.
Allahu Akbar 3x
Walillahil Hamd.
Aga nari ujina teppe’na
Nabiyyullah Ibrahim AS ri Puang Allah S
WT nariparentaian untuk makkarobangngi ana’ ripojinna. Aga nakkedana
Nabiyullah Ibrahim AS, Eh... anakku’ Ismail majeppu witako ana’ rilaleng
nippikku, maraga tangnga’mu ?
Nappebalina lapon ana’
makkeda :
Bettuanna :
Eh... ambo’ku
tapaddupani aga napparentang Puang Allah SWT, Insya Allah engkaka talolongeng
tau kaminang sabbara.
Aga nalett’na ri onrong
aggerekengnge ri seddena Mina, poleni Iblis mappakatulu-tulu nakkedai Ibrahim
AS : pekkogitu natomelo gere’i ana’ta ??? De’ga namassi babuata mitai,
de’;gaharo taitai temmaka kessinna ampena. Nappebali Nabiyullah Ibrahim AS
temmakaharo upojinna anakku, temmakaharo ucarinnainna anakku, benengngi uwitai
maddenne bulu-bulu silampa’na majeppu uwittei utanengngi parimen, naikiya
parentana puakku Puang Allah Ta’alah, yase’pi napappojikku ri anakku.
Aga nalaosi godai bainena
Nabi Ibrahim yanaritu Sitti Hajar napuadangngi makkeda : magiharo muonro
mammekko mulewa cenre muappesona ale naengka lakkaimmu melo gere’i ana’ ripojimmu ? Nappebali Sitti Hajar
makkeda ; aja’na makkeda ana’ku melo rigere, narekko parentana Puang Allah
Ta’alah namo aleku wakkarobatto. Aga nalaosi Iblis godai ismail napuadangngi :
Eh.. Ismail ! magi nade’ munaha mumasara
nenniya demmumaseleng ? Naelo’hatu ambo’mu gere’ko ? Nappebali Ismail :
Bettuanna :
Kuangkalingani
nenniya uturusi toni parentana puakku.
Nasimata
makkuragampoi, berusaha Iblis, nala batu
Ismail narirempe’na yatonaro saba’ nariwajikeng pahajjie maddempe ri Mina.
Aga nali’na mappesona ale
Ismail riolo tenri gere’na ri ambo’na
tapakkoro cinampe Nabiyullah Ibrahim AS melo’na nagere’ ana’na nabacai : BISMILLAHI
ALLAHU AKBAR . pammaesna Puang Allah Ta’alah, naggerekeng bangkunna
natea makkanre, ure tea pettu, darah tea
mitti, oli’ tea sape, juku temmalara’, watakkale tea bakke, nyawa tea
lao massarang natubunna nasaba elo’ ullena Puang Allah SWT.
Ismail : E... Ambo’ aja taitai rupakku,
nanassabari napoleiko esse babua enrengnge sara ati natea makkanre bangkungnge.
Jaji nabbettangngi bangkunna nabi Ibrahim AS ribatue, namapuwe dua batue,
naellonna Ismail temmagere.
Nasaba akuasangeng Puang
! mettei lapong bangkung : sibawa sadda terri makkeda : Eh... Ibrahim: musuroka
manrei , lettoi ellonna ana’mu, naikiya nappesangkaiangnga Puakku, Puang Allah
SWT. Aga naturunna Malaikat Jibril AS
sellei olo-kolo Kibase pole ri suruga, napasilennerenna karobana nabi Ibrahim
sibawa olo-kolo tenniya rupa tau. Naiyatonaro mancaji sunna’ maraja riseseta pugaokengngi akkarobangnge ri
sesena tau paullewe.
Allahu Akbar 3x Walillahil Hamd.
Berkorban yare’ga
makkaroba makkibettuangi ribalancai waramparatta, ipalaoi appunna-punnangetta
simata-mata untuk tuntui riona Puang Allah SWT. Termasuk akkarobangnge mancaji
assamaturukeng mappasisompung
watakkalena tau sogie ritau kasi-asie. Idi tau makkewaram-parangnge,
makkepangkae, pusifa’i sipa’na waewe, iya teppaja nasappa anroang kaminang
mariawae naekiya maladde makkiguna lao padanna ripancaji. Lempupa makkeda
tongeng sanreseng nawa-nawa tennapabelleang. Tennapodo mannennungeng lempue
tettong tungke tenri girang-kirang.
Allahu Akbar 3x
Walillahil Hamd.
Makakedai pappasenna
tosalama’e anregurutta to panritae :
1. Matutuo riteppe’mu aja muilimpiling
ri kasiwiyangmu, tunru iyi kasiwiyang muappuji, temmangingi sadda mannennungen.
2. Ati tellong mappatongeng, tubu
makkeda sadda, gaue mappannessa.
3. Idi tau mateppe’e taro pura
toddo’puli sngkerru silariang teddeng pabbunganna.
Kapangi lino
mannennungen, sappai decengnge samanna maelokki tuwo matterru-terru, naiyakiya
jamai-jaman akhera’ta samanna mattentu
melo’ni mate baja.
Bettuanna :
Mamadaini
amatengnge riyala pappangaja. Lolongen asalamakeng lino akhera.
Taitasai ummat selleng !
tau pore, tau jago, tau sogi, tau kepangka, narekko matei icemmemani nasaba
tennaulleini cemmewe, iwalunmani nasaba tennaulleni mappakewe, isempajangimani
nasaba tennaulleni massempajangnge.waram-parang linota, appunna-punnangetta
risalai manemmua; bola loppo, galung loang, kendaraan, dui bank, anak wija,
sumpunglolo, bali bola, lao temmappisabbi tenrewe mappaseng iyakia mancaji
pangajai risesena idi tau tuwoe pole ritau matewe. Makkeda aringerrakko lino
leppangemmi, tennia onrowang mannennungen, tennia wanua rionroi tuwo batu.
Sininna naitae mata natiroe ati kotenniya idi salaiwi, alena salaiki.
Allahu Akbar 3x
Walillahil Hamd.
Narimakkuannaritu ;
1.
Pakkigunai wettu malolota riwettu de’napa napole
atowangett.
2.
Pakkigunai wettu madisitta riwettu de’napa naottongngi
lasa-lasa.
3.
Pakkigunai memenni waramparange riwettu de’napa napole
akasi-asingnge.
4.
Pakkigunai memenni kesempatange riwettu de’napa napole
yasengnge kesibukan.
5.
Pakkigunai memenni atuwongnge riwettu de’napa
napoleiki riasengnge amateng.
Ummat
selleng ... !
Laoni
mai natopada makkasara, nai pabbujuru
atitta ritujunna amala’ mappasalamae, nasaba naseng tau riyolota pada tanekki
tanen-taneng deceng, naribelo-beloi amala, narisampo baca korang, nabuana
suruga. Mamuare engkaki pada salama salewangen moloi bombang marajana lino
natopada mattekka riwanuwa akhera sibawa salama. Engka laloki pada pakanjari
asseddi-seddingetta, pakanjari assiolon-polong madecetta, turu’ parenta, nini’
pappesangka, riabelai assipekka-pekkangengnge, sitabbuttu-butturengnge
pada-padaenna massilessureng nasiterreang siri, massumpunglolo riassakkareng,
mabbalibola makkara-kara teppaja, tomatoa lemmuriangngi perru ana’na, anana’
madorakai tomatoanna. Mangowa marala, macecceng mabbage kikkiri gellang alena.
Engka tau napoji bingkungi galungnge natenniya galunna, engka tau napoji sappoi
dare’e natenniya dare’na. Engkato tau napoji jalai pangempange natenniya
pengempanna.
Ummat
selleng pupuru surikau amala’ta nagangkanna, pettui pammasewe masagala ada
tongengnge majeppunna birasatoi paddoangenge.
Allahu Akbar 3x
Walillahil Hamd.
Jaji
tenri bengngarengi (de’toheran) tensinrupa-rupa kajajian rilebo’na yewe tanae ;
immaggi napaccoba, immaggi nancaji pakkamparang, immaggi nancaji paccallang.
Mainge’ki...
! sadarki... ! aringerrakki... !
-
Lebengngi
tapparengnge, sapui salo’e, luangi tasi’e, abala manettu !
-
Mabbettui
bulu’e, mpewangi tanae, maruttungngi sarelli’e, musiba manaettu !
-
Sipekka-pekkai
tau mapparentae; kepolisian, kejaksaan dan KPK, lenye’i siri’na makkunrai’e,
silennyerengngi wanginna tanae, abinasattu !
-
Mappammula
gempa sunami di Aceh, Situgintung, Lumpur Lapindo, Gempa bumi Padang Sumatera
barat yang menyisahkan penderitaan ; bola maruttung-ruttung, warang-mparang
tatterre-terre, rupa tau tassiya-siya.
Aga
passabareng .... ?
Kegaki
melo monro mainge’ ... ?
Agatona
pabbirasana iyae abala maddupa-rupangnge ? De’gaga lain sangadinna pada toba’ki
natopada makkasara pallaurengngi teppe’ta, pannennungengi gau-gau madecetta,
natopada siame-ame, siamaseang, sipakaraja, sipakalebbi.
Mamuare
pada ripassaniasa minasa malebbi’ta narilolongen deceng sukku’e rilino nenniya
deceng mannennungengnge ri wanua akhera... Insya Allah ... !
Amiin
3x Ya Rabbal Alamin
(1)
Alhamdulillah …….. Alhamdulillah
Naiyya sininna pappojiE engka manengi napunnai nenniya nabolai Puang
Allah Ta’alah, Puang maraja pammase enrengnge namaraja akkamase, salah sewwanna
yanaritu : engkana sunge’ malampe napinrengiki natopada engka rattei taungewe,
ulengewe, lebbi-lebbipaha yewe essoe tanggala 10 zulhijjah. Uleng zulhijjah
ritella’i “ Asyahrul Hurum” nasaba rilalenna
uleng zulhijjah ripasilennerengngi 3 pakkasiwiyang maraja, yanaritu :
Pertama : Engkana siajin selletta paulle watakkale nenniya paulle
warang-mparang menre ri tanah mapaccingnge sapui Baitullae. Natunaikangngi
rokon malimanna agama sellengnge. Mamuare naritarima pakkasiwiyang hajjinna,
nancaji hajji mabrur. Makkedai Nabitta Muhammad SAW :
Bettuanna :
Naiyya haji
mabrur’e (haji ritarimae) de’ gaga pamale’na sangadinna suruga pammasena
bawang.
Maduanna : Rilalenna uleng zulhijjah engkaki pada pasilennerengi
sempajang alleppereng karobata, pada-padanna yewe essoe. Di segenap penjuru
dunia ummat Islam mengumandangkan lafadz takbir :…..
(2)
Tunru-tunrui kasiwiyatta, mappuji temmangingi, syahada mannennungeng.
Mannennungeng ipuada syahada, mappattongen ri laleng atitta. Syahada tentu
ritentuang tongeng naripattongen pada majeppui aleta. Engkaki pada patanrerei
aseng marajana Puang Allah Ta’alah napada ri sadari keterbatasan pangeloreng
nenniya pakkulletta idi’ rupa tauwe ! ….
Taitasai ummat selling ! tanrang araja kuasana Puang Allah Ta’alah,
narekko iya pueloi deceng mallebangnge,
decetto pole, naekiya narekko iyato pueloi abinasang marajae majeppu abinasatto
talle.
Contohna: Peristiwa Banda Aceh tahun 2004, sipakkederang mata bawang
nahancuru rata tanae, massamangi mpewanna tanae bonanna waena tasi’e,
sitakkappongi angin kencangnge nabombang marajae. Deppa nasau peddi’e, deppa
namarakko wae matae, de’pa namalinrang sarae, deppa nallinrung sarah ati’e,
mpewassi tanae ri Yogyakarta, Bungka tarojang si lolling racun, ri Lapindo 9
desa/kelurahan nasampo. Menyusul bendungan situgintung maruba nasapu kampongnge.
Kappala Adam Air meddenne sitellengengngi penumpanna. Iyanatu nakkeda gurutta :
Malowang temmakkewiring, mallinrung temmaggangka gau
(3)
pasalae.
Angin kencang napessue malomo pasabureng ri laleng ranaka. Narimakkuannanaritu
teppe’ta tala lopi, tasompe mappesona lino esso ri munri.
Telleppe’ sarae polesi perri’e , Banjir Bandang di Wasior Irian Jaya.
Poletoni russak’e Gempa Tsunami di Mentawai Sumatera. Si lacu-lacu abala’e,
sitodong-todong pakkasiangnge. Mabbettu toni bulu’e (Gunung Merapi) ri Jawa.
Bola maruttung-ruttung, warang-mparang tatterre-terre, rupa tau tassiya-siya.
Mateni matewe, cacatni cacat’e, lenye’ni lenye’e. mate tenri giling bakkena,
mate tenri sempajangi ujudna, mate tenri tamping kubburu’na. siaga egana wae
mata tabbollo, siaga egana darah maccolo, siaga egana nyawa massarang natubunna
? Reppa kaca marupu pinceng pupuru surikau. Agana kuwae…? Dosa agana pada
ripudosa, salah agana pada ritasssalai ? Adorakang agana pada ripatalle,
abusungeng agana pada riassimamengi nalempe paccoba wanuwae ? Naturung massamampa sagalae ? Sagala biretta, petta
kape nabosi raja, leteang polo tona, aggalicuccureng leppe’tona, Lennye’ni assinyawae, mabelani paresse babuwae,
teddenni assitulung-tulunge, iyamani mawatang tau engkae natau ke’pangka’e,
Iyamani pore tau accae natau kepaddissengengnge.
(4)
Napadahal
pada takkalupai makkeda; Jagoki idi tapi maccapi Puang Allah Ta’alah, Poreki
idi’ naekiya kuasapi Puang Allah Ta’alah.
Mainge’ki ….! Sadarki….. !
Aringerraki ….!
- Lebengngi
tapparengnge, sapui salo’e, luangngi tasi’e… abala manettu !
- Mabbettui
bulu’e, mpewangi tanae, maruttungngi sarelli’e … musiba manettu !
- Si
pekka-pekkai tau mapparentae, Kepolisian, Kejaksaan dan KPK, Lennye’ni siri’na makkunrai’e
silennyerenni wanginna tanae… abinasattu !
Ummat seelleng… ! Talleni mappebajang tanrae, tassubbuni tongengnge,
mallinrunni lempu’e, massama’ni ceko-cekoe, pura patalani gau masalae,
mattapereni ja’e, maggalaccereni jujae. Tateppani pasenna akorangnge ada
ripakalebbi’na Puang Allah Ta’alah :
“Aga narilullunna matanna esso’e “
“Nenniya maddenne toni ana’ wittuingnge”
(5)
“Apalagi narekko ri ancuru toni bulu’e “
“Lebbi-lebbipaha narekko luwang toni- waena tasi’e, naluru mancaji api “
Naudzu billah … Tsumma Naudzu Billah….
Matellunna : Uleng Zulhijjah naritella “ Assyahrul Hurum” yanaritu:
Uleng rionroi makkaroba risesena sellenge, terutama engkae lebbi anrena
namasagena balancana.
Tanrang alebbirenna karobae, seddi bulu-bulu seddi appalang, seddi
appalang sisebbu deceng. Pappainunna tau madekkae, pappanrena tau malupu’e,
pabburana tau makkasiangnge, patteddu’na tau matinroe, pappakainge’na tau
takkalupae, pappagilinna tau mabboko’e, pappasiame’na tau sisakkae.
Upe’paha….. upe’paha pada idi engkae mupa pappidalle’na Puang Allah
Ta’alah, engka appunna-punnangetta. Engka pada riannyamen-nyamengi naengkato
maka ripasilelei padatta rupa tau, maperri’e, mapeddi’e, makkasi-asi puppu’e.
engka manre esso naulle temmanre wenni, engka manre wenni wedding jaji temmanre
esso. Bahkan engka passuwa paggangkai
(6)
napasita
esso wenni temmanre-temminung, sure’ kabara nala appe’, karton nala paddenring
liwu’, lenne’ tengmangkanngulung, si lewo-lewo marana ri lebo’na jembatangnge.
Karena itu mainge’ki …! Lino leppang-leppangemmi, tenniya onroang
maraddetta. Sininna naitae mata, natiroe ati, titipan yare’ga pappinreng,
immaggi naidi salaiwi yarega na alena salaiki.
Attoddo’ poli memekki, massingkerru teppettu ri Puang Allah Ta’alah. Iya
naro makkuwae riyala mata laleng, mamadai na pangaja riengerrangngi matewe.
Manya-manyai riasagenatta, alitutui appunna-punnangetta. Lolongekki
nyamen bara’ ajakki nato talliwe rio, runtukki perri bara’ ajakki nato talliwe
sarah. Saba’ nyameng sibawa perri bunga-bunganna lino. Syukkuruki engkae, sabbarakengngi anu’ de’e, tapineddingitu
surugae.
Makkedai Puang Allah Ta’alah ri akorang malebbie :
( 7)
Bettuanna :
Majeppu pada
upapoleakko pappenyameng maraja, namamuare engkako pasilennerengngi
sempajangngnge nenniya pasilennerengngi akkarobangnge”
Akkarobangnge yae parentae nasseri Nabiullah Ibrahim AS, naekiya mancaji
sunna’i ri umma’na Nabitta Muhammad SAW. Aga nari ujina teppe’na Nabiyullah
Ibrahim AS ri Puang Allah Ta’alah nariparentaian untuk makkarobangngi ana’ ri
pojinna. Aga nakkedana Nabiyullah Ibrahim As, Eh… Anakku ! Ismail majeppu
witako ana’ ri laleng nippikku, engka parentana Puang Allah Ta’alah untuk
makkarobakko ! Maraga tangnga’mu ?
Nappebalina lapon ana’ makkeda :
Bettuanna :
Eh… Ambo’ku narekko
memeng parentana Puang Allah Ta’alah tulungnga tapabolei, tulungnga tapaddupai,
Insya Allah, Iya ana’ta engkaka talolongen mancaji ana’ sabbarana.
Turuki parentana Puang Allah Ta’alah, kuturukitoi akkatta nenniya
pangeloretta, tagere’na makkukkue….! Takkarobanna makkukkue…!
(8)
Naekiya tengkalingai parillaukku kaminang paccappurengnge yanaritu :
1.
Taro laloi matareng pisota/peddatta
ambo, melo’e tapake maggere, bara’ kuammengngi de’ umaitta manrasa-rasa nappaka
mate.
2.
Sampotoi rupatta, tutu manengngi
matatta, nappaka tagere, bara’ kuammengngi de’ naompo pareses babuata passesse kaleta,
parassininawatta mitaka tagere’, gangkanna tapappisau parentana Puang Allah
Ta’alah untuk makkarobangngi ana’ta.
3.
Selleng uddanikku ri indo pajajiakku
Ambo ! Riona napurio Puang Allah Ta’alah,
ulao tenrewe tanrang pappojikku. Iya ana’ta naulle pura siko’mi kapan toto’ku,
engkaka rijajiang tuwo ri lebo’na yewe tanae walai letean sunge’, ambo pajajiakku muto gere’ka sebagai karoba.
Aga naliu’na mappesona ale’ Ismail,
riyolo tenri gere’na ri ambo’na tapakkoro cinampe Nabiyullah Ibrahim AS melo’na
nagere’ ana’na nabacai “ BISMILLAHI ALLAHU AKBAR ”
Pammasena Puang Allah Ta’alah, naggerekeng bangkunna natea makkanre; ure’ tea
pettu, darah tea mitti, oli tea sape’, juku temmalara, tubu tea bakke’, nyawa
tea lao massarang natubunna, nasaba elo’ ullena Puang Allah Ta’alah.
(9)
Aga naturunna Malikat Jibril AS
sellei olo-kolo kibase pole ri suruga, napasilennerenna karobana Nabi Ibrahim
sibawa olo-kolo’ tenniya rupa tau. Naiya tonaro mancaji sunna’ maraja riseseta
pogaukengngi akkarobangnge ri sesena tau paullewe.!
Ummat selling …..!.
Laoni mai natopada makkasara,
naipabbujuru atitta ri tujunna amala’ mappasalama’e, nasaba naseng tau
riyolota” pada tanekki taneng-taneng deceng, naribelo-beloi amala, narisampo
baca korang, nabuana suruga. Mamuare engkaki pada salama salewangeng moloi
bombing marajana lino natopada mattekka ri wanuwa akhera sibawa salama. Engka
laloki pada pakanjari asseddi-seddingetta, pakanjari assiolonpolong madecetta,
tunru parenta, niniki pappesangka. Riabelai assipekka-pekkangnge, riyanini
assitabbuttu-butturengnge, pada-padaenna: massilessureng nasiterreang siri,
massumpunglolo siassakkareng, mabbalibola makkara-kara teppaja, tomatoa
melleriangngi perru ana’na, ana’ madorakaiwi topajajianna. Engka mangowa marala
namacecceng mabbage, kikkiri gellang alena. Engka tau napoji bingkungi
galungnge natenniya galunna, engkato tau napoji sappoi dare’e natenniya
dare’na, mega to tau napoji jalai pangempangnge natenniya pangempanna.
(10)
Karena itu, tenri bengngarengi
narekko tensinrupa-rupa kajajian ri lebo'na yewe tanae, immaggi napaccoba,
immaggi mancaji pakkamparang, immaggi mancaji paccallang. Pabburana ….
Pabbisana nenniya pabbirasana; pada mainge’ki, pada toba’ki natopada makkasara
pallaurengngi teppe’ta, pannennungengi gau-gau madecetta natopada siama-ame….
Siamaseang…. Sipakaraja... natosipakalebbi. Kesempatan yewe essoe tapada siaddampe-dampengen…. Laoni
mai tasiaddampengen…..! Mamuare pada ripassaniyasa minasa malebbi’ta
narilolongen deceng sukkue ri lino nenniya deceng mannennungengnge ri wanua
akhera…. Matti
Komentar
Posting Komentar